Activada a alerta amarela para este luns nas comarcas de Lemos, Quiroga e Chantada

Mapa das alertas por altas temperaturas da Aemet.. AEMET

Axencia Estatal de Meteoroloxía (Aemet) activou para este luns a alerta amarela na provincia de Ourense e no sur de Lugo debido ás altas temperaturas. Os avisos permanecerán activados entre as 13,00 e as 20,00 horas deste luns e os termómetros alcanzarán os 36 graos na zona sur da provincia de Lugo, nas comarcas de Quiroga, Lemos e Chantada.

Por outra banda, as zonas ourensás do Barco de Valdeorras, Miño e o sur da provincia tamén estarán este luns en alerta amarela con máximas temperaturas de 36 graos entre as 13,00 e 20,00 horas.

A nivel nacional, os avisos meteorolóxicos por risco de altas temperaturas a principios da semana continuarán e activarase a alerta laranxa en zonas de Zaragoza, Huesca, Navarra, A Rioxa, Lleida, Xaén, Cáceres, Badaxoz e Toledo.

DEIXAR UN COMENTARIO

Please enter your comment!
Please enter your name here