- Advertisement -
ADEGA e SGO aseguran que a área na que está aprobada a instalación eléctrica deste parque eólico inclúese nas Zonas Especiais de Conservación (ZEC) e confórmase como unha “zona de importancia” para aves como o aguilucho cenizo e o aguilucho pálido, así como tamén alberga a especies ameazadas como o oso pardo. Consideran que o impacto destas obras “pode supor un grave disturbio” para algún dos “escasos exemplares” de oso pardo que están recolonizando “naturalmente” as serras orientais de Lugo.
Entre os principais motivos para a declaración de lesividade da LAT vinculada ao Parque Eólico Serra do Oribio e a consecuente suspensión da súa autorización destacan:
- Vulneración da normativa que prohibe a construción de parques eólicos nos espazos da Rede Natura 2000.
- Fragmentación inadecuada do proxecto para evitar a súa avaliación en toda a súa extensión e impedindo a avaliación dos efectos acumulativos e sinérxicos.
- Infracción por inadecuada valoración das afeccións ambientais sobre hábitats e especies de interese comunitario polos que foi declarada e incluída na Rede europea Natura 2000 a Zona de Especial Conservación Ancares-Courel.
- Omisión do deber de conservación dunha especie declarada en perigo de extinción e considerada de alto valor a nivel internacional e comunitario: o oso pardo.
- Dano a outras especies obxecto de medidas activas de conservación: Aguia Real (Aquila chrysaetos) e Cangrexo de río (Austropotamobius pallipes) catalogadas en Galicia “en perigo de extinción”; Morcego Grande de Ferradura (Rhinolophus ferrumequinum) e Morcego Pequeno de Ferradura (Rhinolophus hipposideros), ambos catalogados como “Vulnerables”.
