A Plataforma Salvemos O Iribio intégrana asociacións ecoloxistas e culturais, e os partidos políticos BNG, Anova, En Marea e Equo. Desde Adega lembran que a Serra do Iribio forma parte da Zona de Especial Conservación (ZEC) Ancares-Courel, da Rede Natura 2000 e sitúase dentro do BIC Camiño de Santiago Francés, ademais de estar incluída na proposta de declaración de Reserva da Biosfera Ribeira Sacra e Serras de O Iribio e O Courel.

Lucía Álvarez, representante dos ecoloxias de Adega destaca “O Iribio é o monte que conserva o maior imaxinario máxico do Courel, cun amplo patrimonio inmaterial, polo que ademais discorre o antigo Camiño Real que empregaban os arrieiros para acceder á meseta desde Galicia, ao que acompaña un extenso inventario de bens patrimoniais de carácter arqueolóxico e histórico-cultural que xa foi destruído, en parte, polas obras irregulares do parque eólico.

Desde Salvemos O Iribio aseguran que procurarán por todos os medios posibles a paralización das obras en execución, actuacións que dín vulneran a lexislación vixente e destrúen gran parte dos “valores naturais e ecolóxicos, histórico-patrimoniais da Serra do Iribio”.

Culpan á Xunta por non paralizar as obras do parque eólico, coa “complicidade dos concellos de Sarria e Triacastela e non descartan mobilizacións se a Xunta nin decreta a inmediata paralización das obras.