Os desbroces estanse a levar a cabo en aldeas priorizadas despois de asinar un contrato cos donos a un custe de 350 euros/ha (prezo da taxa) cada tres anos, unha modalidade de xestión da biomasa na que a Xunta de Galicia realiza eses traballos a un custe moi asequible para os propietarios e as propietarias.
Lembramos que os propietarios e as propietarias de fincas situadas a menos de 50 metros dos núcleos rurais teñen a obriga legal de mantelas limpas e desbrozadas co obxectivo de protexer ás aldeas dos incendios forestais.
No Concello do Incio hai tres parroquias nas que se acometerán estes traballos: Foilebar, Toldaos e Vilasouto. A maiores, está previsto que o núcleo de Trascastro forme parte das aldeas modelo que promove a Xunta en defensa contra os lumes.
