HomeMedio ambiente e PatrimonioReserva da Biosfera Ribeira Sacra-O Courel-Serra do Oribio? Saberase no 2021

Reserva da Biosfera Ribeira Sacra-O Courel-Serra do Oribio? Saberase no 2021

A Unesco decidirá ao longo da primavera se acepta esta candidatura, que engloba 18 concellos lucenses e cinco ourensáns.

Publicado o

- Advertisement -

A Unesco decidirá ao longo da primavera se acepta a candidatura da Ribeira Sacra-O Courel-Serra do Oribio para converterse en Reserva da Biosfera, o que suporía que o 42 por cento do territorio galego estaría baixo algún tipo de protección ambiental.

Diso deu conta a directora xeral de Patrimonio Natural, Belén Do Campo, na súa comparecencia na Comisión 4ª do Parlamento galego para responder a unha pregunta formulada pola deputada do PPdeG Marisol Díaz Mouteira sobre a candidatura, que abarca 18 municipios da provincia de Lugo e cinco de Ourense.

A responsable autonómica detallou que o informe definitivo sobre a proposta para incluír esta zona dentro da Reserva da Biosfera da Unesco foi remitido nos últimos días e que agora é quenda de que sexa avaliado polo comité da entidade dependente de Nacións Unidas.

Así, espérase que ao longo da primavera do próximo ano 2021 chegue ás altas estancias da Unesco e que en xuño se convoque unha reunión presencial “se o covid o permite” en Nixeria -en caso de non ser posible sería desde París- para anunciar as candidaturas aceptadas.

ÚLTIMAS

Arias felicita ao cociñeiro Rafa Centeno e ao equipo do restaurante Vértigo por lograr a primeira Estrela Michelín da provincia

Arias visitou o establecemento acompañado do alcalde de Sober, Luis Fernández, para felicitar ao...

Enonatur e unha iniciativa inclusiva do Club Fluvial de Monforte, premios AGADER 2025

A conselleira de Medio Rural, María José Gómez, definiu estes galardóns -aos que este...

Xornada de formación no SAF de Quiroga

A formación tivo unha primeira parte na que a coordinadora do servizo e traballadora...

‘RecilLemos de xeito sostible’ reforza a sensibilización veciñal monfortina con accións a pé de rúa

O Concello de Monforte de Lemos impulsa a campaña de sensibilización “RecicLemos de xeito...