HomeMedio ambiente e PatrimonioBenvida ao Xacobeo 2021 dende o Consorcio de Turismo Ribeira Sacra

Benvida ao Xacobeo 2021 dende o Consorcio de Turismo Ribeira Sacra

O organismo dinamizador deste destino turístico aposta este ano polo Camiño de Inverno e por seguir 'vendendo' patrimonio, humanidade e paisaxe.

Publicado o

POR
Redacción
- Advertisement -

No Consorcio de Turismo Ribeira Sacra comezaron o ano presentando nas redes sociais un pequeno traballo audiovisual para darlle a benvida ao Xacobeo 2021.

Trátase do vídeo “O Camiño das paisaxes” que ten como obxectivo promover o Camiño de Inverno como unha oportunidade para facer deste un ano de moitas ilusións. 

Dende esta organismo están convencidos de que a posta en marcha do Plan de Sustentabilidade Turística, o Pacto pola Paisaxe e todas as liñas abertas para a celebración do acontecemento máis universal de Galicia, xerarán infinidade de sinerxías que cómpre aproveitar, xunto coa experiencia dos concellos de Paradela e Portomarín que coñecen sobradamente o significado dun Ano Santo.

“O contexto actual seguramente non nolo poña doado ao comezo, pero a cambio teremos dous anos de Xacobeo”, din dende o Consorcio de Turismo.

O pasado 4 de xaneiro divulgaron un segundo vídeo para promover as rutas de escape e manteñen activas as insercións “Regala Ribeira Sacra” e a colaboración no deseño de bonos-agasallo coas empresas do sector.

“Seguimos traballando arreo en varios proxectos que iremos dando a coñecer nas vindeiras semanas e que nos fan comezar cheos de enerxía”, comenta Alexandra Seara, xerente deste organismo de dinamización turística do destino Ribeira Sacra.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...