A alvariza de Bustelo de Fisteus formará parte deste  obradoiro organizado polo departamento de Acción Cultural Española, Teu Xacobeo e o Concello de Quiroga. No taller, impartido por varios  profesionais da construción, poderanse aprender os fundamentos básicos da técnica construtiva en pedra seca e experimentar o proceso de creación dunha proposta de Arte Contemporánea na paisaxe, da man da artista plástica  Lucia Loren.

Os obxectivos principais céntranse en contribuír á divulgación dos valores culturais, paisaxísticos e ecolóxicos que achegan estas construcións e achegalos de maneira  experiencial ao público, a través dun proceso de creación colaborativo. Para participar requírese inscrición previa no correo cultura.quiroga.quiroga@eidolocal.es.

A proposta de actuación materialízase na rehabilitación dunha  alvariza en desuso, cuxa función principal foi a de protexer ás colmeas de depredadores, que como o oso, habitaron ata metade do século  XIX nestes montes. Proponse a creación dun proxecto de arte pública no interior da alvariza de Bustelo, que consolide un espazo de encontro socio-cultural, aproveitando a súa privilexiada situación xeográfica e o potencial simbólico desta estrutura que convida o encontro xa o colectivo.