Estas actuacións de  mellora dos miradoiros teñen como obxecto homoxeneizar todos os miradoiros de Sober, utilizando materiais e estructuras que se adapten ao entorno. No caso de Pena do Castelo as obras xa están rematadas e consistiron na colocación de dous novos cenadores, un balcón protector fronte á capela de San Mauro e un banco no cumio do miradoiro.

En Souto Chao e Os Chelos as obras, aínda por executar, consistirán na remodelación completa dámbolos dous miradoiros. Desde o concello de Sober faise unha aposta por consolidar estas infraestruturas e dotalas de novos ornatos e complementos para seguir impulsando a ruta dos miradoiros do concello de Sober na ribeira do Sil, un dos principais recursos naturais deste concello cruzado polo canón do Sil.