A recollida de plásticos agrícolas nas parroquias monfortinas terá lugar o vindeiro 5 de xuño, data que coincide coa época na que os gandeiros e labregos necesitan desfacerse dun gran volume de plásticos que proceden en gran medida do ensilado de herba.
Segundo indican dende o concello, a recollida de plásticos agrícolas levarase a cabo dende primeira hora da mañá ao longo de toda a xornada, nos seguintes lugares:
- Marcelle (campo da festa).
- Gullade, Nocedas e Penela (saída das Nocedas a Gullade, antigo parque infantil).
- Vilamarín (campo da festa).
- Santa Mariña e Caneda (Campo da Pousa).
- Bascós, Chavaga e Sindrán (Local Social de Bascós).
- Reigada e Fontes (Praza Mourelo).
- Piñeira (Listo).
- A Parte e Valverde (Barrete Proveiros).
- Chao do Fabeiro (Campo da festa).
- Moreda, San Xoán, San Xulián e Seoane (Local social de San Xoán).
- Fiolleda (Carretera a Currelos).
- Baamorto (Campo de Fútbol).
O plástico estritamente agrícola deberá depositarse dobrado e atado, para facilitar o seu manexo e evitar a súa dispersión, durante esta fin de semana nos lugares devanditos e o custo deste servizo, contratado coa empresa XIMA, será asumido exclusivamente polo Concello de Monforte.
Os pedáneos das diferentes parroquias xa foron informados e dende Alcaldía anímase aos labregos e gandeiros a participar na recollida e a achegar os plásticos agrícolas aos lugares indicados que lle queden máis próximos. Para favorecer a reciclaxe destes residuos tamén se lembra que poden achegalos ao Punto Limpo do Concello en calquera data do ano.
O Alcalde, José Tomé, agradece o interese dos labregos e gandeiros para contribuir ao coidado medioambiental da contorna e tamén o traballo dos pedáneos difundindo a existencia do servizo de recollida.
