A entidade dinamizadora do territorio Segredos de Pantón organiza unha andaina de 9 quilómetros de dificultade media baixo o título “Entre as vides e Santo Estevo de Atán”.
As persoas que se anoten poderán coñecer a contorna da Igrexa románica de Santo Estevo de Atán, visitando o templo por dentro e por fóra gozando así do seu esplendor e beleza. O encontro, neste enclave, está programado para as 10:00 da mañá e a continuación comezarase a andaina para gozar da paisaxe e coñecer varias aldeas.
Aberta a inscrición ata cubrir 30 prazas e cun prezo de 2 euros por persoa.
Para anotarse pódese enviar un correo electrónico a segredosdepanton@gmail.com , contactar por privado no perfil de redes sociais de Facebook ou Instagram da asociación Segredos de Pantón ou facelo tamén no número 662669223.
