Quiroga acollerá esta fin de semana unhas interesantes xornadas que poñerán no foco a relevancia das actividades agro-gandeiras para combater os lumes. Están organizadas pola Sociedade Galega de Pastos e Forraxes e contan coa colaboración da Área de Rural da Vicepresidencia da Deputación de Lugo, do Concello de Quiroga, da Asociación de desenvolvemento rural Serra do Caurel, e a Axencia Galega da Calidade Alimentaria.
O sábado 16 terán lugar as charlas e coloquios na Casa da Cultura de Quiroga dende as 9:30 h. ata as 18:00 h. e cun descanso para xantar de 14:15 a 16:00 h. E o domingo 17 a actividade centrarase nunha visita ao Museo Xeolóxico e a un monte comunal para coñecer a actividade gandeira de Mario Nogueira, coñecido principalmente polo coidado de cachenas.
SÁBADO 16 DE NOVEMBRO
9:30 h. Recepción de participantes na Casa da Cultura de Quiroga.
10:00 h. Apertura da reunión coas seguintes autoridades: José Luis Rivera, Alcalde de Quiroga; Olga Iglesias, Xefa Territorial da Consellería de Medio Rural; Efrén Castro, Vicepresidente da Deputación de Lugo; e Isabelle Gómez, Presidenta da Sociedade Galega de Pastos e Forraxes.
10:30 h. Táboa redonda. A xestión integrada dos montes comunais e privados de Moreira de Donís (Cervantes), Lucía González (Coop. A Carqueixa) e Antonio Delpueblo (Gandeiro en Moreira).
10:50 h. O gandeiro Arnaldo Rouceiro, da Serra da Peneda (Portugal) falará do proxecto Biocachena Roucas.
11:10 h. O Valor das razas autóctonas no sector cárnico de alta calidade (Galicia e Portugal). A cargo de Mario Nogueira, comercial e divulgador de Okelán.
11:30 h. Pausa para o café.
12:00 h. De Vigo a Montederramo. Regreso ás orixes na gandería “Casa Laza”. Experiencia de Elias Gómez.
12:20 h. O meu proceso de incorporación ao mundo rural en Neipín (A Pontenova). Caso de Uxía Salvatierra, unha estudante de Agronomía.
12:40 h. Renovar con fogo: o fogo prescrito na xestión do territorio. Henrique Godinho (LIFE Maronesa e NODFYR Portugal).
13:10 h. Experiencias de control da matogueira con cabras (Marco da Curra). A cargo de Santiago Crecente, investigador do CIAM-AGACAL).
13:30 h. Coloquio sobre os temas tratados ata as 14:15 h. con descanso para xantar.
16:00 h. Conservar o que herdamos, mellor diversificar as actividades no rural. Relator, Brais Vázquez, estudante de Agronomía.
16:20 h. Os camiños dos sabores. A cargo de Marcos Reinoso, da Asoc. de Desenvolvemento Rural Serra do Courel (Paderne).
16:40 h. Coloquio sobre os temas anteriores.
17:00 h. Mesa redonda sobre experiencias de regreso á montaña e 18:00 h. Clausura da xornada.
DOMINGO 17 NOVEMBRO
10:30 h. Visita ao Museo Xeolóxico de Quiroga.
11:30 h. Visita ao Monte Comunal de Fiais para ver o rabaño de vacas cachenas de Mario Nogueira.
14:00 h. Fin da visita e xantar para fomentar intercambio e partillar impresións.
