Na actividade do vindeiro domingo, día 1 de decembro, Segredos de Pantón convida a “descubrir a parroquia de San Martiño de Siós para facer un roteiro circular ao carón do río Ferreira. Vendo antigas pontes, présas, muíños e outros elementos da nosa arquitectura tradicional, e ata chegar á desembocadura do río Ferreira no Cabe”.

A saída será ás 9:00 h. e lémbrase que o custo da actividade é de 2 euros por persoa, pago que se realizará por adiantado, tendo un límite de 30 prazas que se pecharán por orde de reserva. En caso de non poder acudir os cartos non serán devoltos.

INSCRICIÓNS

A través das redes sociais da asociación, Facebook e Instagram, enviando un correo electrónico a segredosdepanton@gmail.com ou comunicándose no teléfono 662 669 223 (Lucas Vázquez).