Como vén sendo habitual, no portal da internet destinado a comunicar as queimas de restos agrícolas amoreados os cidadáns deberán confirmar que se trata dunha “queima correspondente a palla e/ou material natural, agrícola, non perigoso, utilizado en explotacións agrícolas e/ou gandeiras”. No caso de efectuar o trámite chamando ao 012, deberán dar conta tamén desta circunstancia por teléfono.
AUTORIZACIÓNS PARA QUEIMAS DE RESTOS FORESTAIS
Para efectuar queimas de restos forestais amoreados será preciso solicitar autorización administrativa dado o maior risco da actuación.
Cabe engadir que as comunicacións e autorizacións de queimas a través da web da Consellería do Medio Rural son posibles de acordo co establecido no artigo 34 da Lei de prevención e defensa contra os incendios forestais de Galicia. Ademais, en días laborables, tamén está a disposición dos cidadáns o teléfono 012 para comunicar as queimas.
Tanto as comunicacións como as autorizacións deixarán de ter validez nos días que hai vento e altas temperaturas.
