A xornada, coa colaboración da Área de Medio rural da Deputación de Lugo, contou cuns 30 voluntarios con experiencia en enxertado da Asociación Galega das Castañas e os Soutos, xunto con veciños e outros voluntarios. A actividade estivo coordinada por un dos maiores expertos enxertadores galegos, Santiago Ramos, de Alsara Consultoría y Servicios Integrales SL.
A Serra do Courel, con case 3.000 has de soutos tradicionais, é unha das comarcas senlleiras na produción de castañas en Galicia. Nos últimos anos a produción de castañas diminuíu considerablemente. As causas tradicionais (diminución da produción consecuencia do cambio climático, envellecemento da poboación, despoboamento…) uníronse os devastadores incendios do verán do ano 2.022, que asolaron miles
de hectáreas, incluíndo moitos soutos.
Xornada voluntariado enxertos / Castañas e Soutos
Unha das principais actuacións a facer para recuperar os soutos devastados polo lume é enxertar os rebrotes dos castiñeiros que arderon con variedades locais adaptadas a zona.
A Asociación Galega das Castañas de dos Soutos constituíuse en xaneiro do 2024 coa intención de defender e divulgar o sector da castaña e ante a necesidade de afrontar os numerosos retos que se presentan.
Os responsables da Asociación aseguran que traballan para visibilizar e promocionar o sector, “estamos seguros que está chamado a recuperar a importancia económica, cultural e social que tivo para os nosos antepasados”, rematan.
Xornada voluntariado enxertos / Castañas e Soutos
