A candidatura da Ribeira Sacra para entrar na Lista do Patrimonio Mundial da Unesco a exame no mosteiro de Santo Estevo. Esta mañá abríase a xuntanza do Consello de Patrimonio Histórico, contando coa presenza do Conselleiro de Cultura e Turismo, Román Rodríguez e baixo a presidencia do director xeral de Belas Artes do Ministerio de Cultura e Deporte, Román Fernández-Baca. Posteriormente celebrouse unha reunión privada na que participaron todos os membros do Consello de Patrimonio Histórico e na que a representación da Xunta de Galicia expuxo a candidatura da Ribeira Sacra.
O Consello de Patrimonio Histórico é un órganismo entre a Administración do Estado e as Comunidades Autónomas que ten como finalidade especial facilitar a comunicación e o intercambio de programas de actuación e información relativos ao Patrimonio Cultural Español e nel están representados todos os directores xerais con competencias en materia do patrimonio cultural das distintas autonomías españolas, xunto cos representantes do Ministerio de Cultura e Deporte.
Os membros do Consello de Patrimonio Histórico chegaban onte a Santiago, onde foron recibidos pola directora xeral de Patrimonio Cultural, María del Carmen Martínez Ínsua, e polo director xeral de Políticas Culturais, Anxo M. Lorenzo, en representación da Xunta de Galicia que exerce de anfitrioa.
