HomeMovementos sociaisO Concello do Incio intermediará na acollida de refuxiados de Ucraína

O Concello do Incio intermediará na acollida de refuxiados de Ucraína

Vendo o éxodo migratorio que está a provocar a guerra en Ucraína ofrécese para canalizar a axuda ás persoas que foxen.

Publicado o

POR
Redacción
- Advertisement -

O Concello do Incio vén de comunicar a través dun Bando Municipal que “condena de maneira firme os actos bélicos que están a acontecer en Ucraína” e fai saber que promoverá a intermediación na acollida de persoas que chegan deste país.

Faise un chamamento a “todos os veciños e veciñas do concello que estean interesados en participar na acollida de refuxiados nas súas vivendas, ou queiran poñer a disposición de refuxiados ucraínos algunha vivenda baleira que estea en condicións habitables” para que contacten co concello e o fagan saber de cara a realizar un censo de veciñas/os voluntarias/os para o acollemento.

As persoas interesadas con vivendas dispoñibles (baleiras ou as propias familiares) deberán contactar co concello no teléfono 982 427014 ou a través do e-mail administracion@concellooincio.gal e informar das vivendas que poden ceder para a causa.

O Concello do Incio canalizará a axuda en materia de vivenda (vivendas baleiras para poñer a disposición dos refuxiados), no relativo á acollida (acollemento de persoas nos propios domicilios familiares) e tamén na axuda humanitaria.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...