HomeMovementos sociaisRomaría solidaria para recuperar Vilar do Courel

Romaría solidaria para recuperar Vilar do Courel

Será este 17 de xuño no 'Campazo de Vilar' e nela terá lugar un 'Sorteo Solidario' para obter fondos e investilos na recuperación da aldea courelá e a súa contorna.

Publicado o

POR
Redacción
- Advertisement -

Este sábado 17 de xuño terá lugar en Vilar do Courel unha fermosa iniciativa solidaria que ten como finalidade recuperar a aldea que resultou arrasada polo lume no terrible incendio do mes de xullo de 2022.

Esta acción veciñal, que consistirá nunha romaría e nun sorteo, conta co apoio do Concello de Folgoso do Courel e ten programado o seu comezo ás 12:00 h. no ‘Campazo de Vilar’, nome que recibe o popular e enxebre campo da festa da aldea.

Diferentes empresas e comercios realizaron doazóns que se poden ver na páxina de Facebook ‘Veciños de Vilar do Courel’ e que serán sorteados ao longo da romaría cun presentador de excepción, Xosé Manuel García, coñecido polo programa radiofónico “Comer e falar, todo é comezar”. Para participar no sorteo deberán mercarse rifas e o recadado investirase na recuperación da aldea de Vilar e a súa contorna.

PROGRAMACIÓN

Comezo da romaría ás 12:00 h. e ás 13:00 representación de instrumentos de música de raíz con Xavier Blanco da Fundación Legar.

Ás 13:00 h. Foliada cos seguintes grupos colaboradores: Nubeiro e Amigos (Lugo), Charanga Padre José e Recantos e amigos (Quiroga), Gaitas e Cantores do Courel (Folgoso), Foliada de Bosende (Lugo), e Os Corenta e Chinco da Pobra do Brollón.

Ás 17:00 h. participará a Asociación Cultural Abrente das Nogais e ás 18:00 h. está programada unha ‘Foliada Libre’ como fin de festa.

No campo da festa haberá servizo de polbo e churrasco a cargo dun dos colaboradores, Sidrería Bermúdez.

ÚLTIMAS

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...

Presentación literaria e exposición de pintura na Casa da Cultura de Chantada

Yolanda Álvarez é escritora, poetisa e profesora de baile e preséntase principalmente como “nai de...

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...