A xornada dará comezo o sábado 29 de marzo ás 12:30 horas no restaurante monfortino Abadía de San Simón e farao cunha animada sesión vermú a cargo dun DJ, a actuación de José Luís García Percusionista e unha pancetada de aperitivo. A continuación terá lugar o xantar solidario, cun custo de 30 euros, que inclúe tanto o propio xantar como a pancetada da sesión vermú pero non a bebida que se consuma.

Tras o xantar, a festa continuará cunha tarde de concertos, na que están programados as seguintes actuacións: Valentina Brown, Delorean’s e Dinosaurios. “Será unha xornada de convivencia, música e solidariedade, aberta a todas aquelas persoas que queiran colaborar coa causa”, trasladan dende a organización.

As entradas poden adquirirse nos establecementos Foot on mars (rúa das Hortas, 41) e Piensos Senra (rúa Benito Vicetto, 45), ou contactando a través do teléfono 609 536 940 ou 671 473 982.