A entidade Provivienda fai pública a posta en marcha dunha campaña solidaria de recollida de roupa de inverno para todas as idades do 13 de outubro ao 3 de novembro. Este chamamento vai dirixido principalmente á cidadanía de Monforte e da contorna para que participe nesta iniciativa doando roupa en bo estado para outras persoas.

As persoas interesadas poden contactar cos teléfonos 671 941 076 ou 678 867 563 para facer a súa achega ou solicitar máis información.

En palabras dos promotores desta iniciativa, “o obxectivo da iniciativa é dar unha segunda vida a aquelas pezas de roupa que temos no fondo do armario, e que aínda terían un bo uso, para doalas a aquelas persoas que non teñen recursos para poder proveerse de roupa adecuada para as temperaturas e condicións climatolóxicas dos invernos de Monforte”.

Ademais, con esta acción comunitaria non só promoven a doazón solidaria de prendas de inverno para quen máis as necesite agora coa chegada do frío, senon que tamén buscan a concienciación dun consumo responsable de roupa.

A roupa recollida a partir da vindeira semana será clasificada e exporase na segunda semana de novembro nas súas instalacións da Rúa Ourense, 83 para que as persoas que a necesiten poidan dispor dela.