A concentración polo asasinato da veciña de Valga tivo lugar este 12 de marzo ás 20:00 h. diante do ambulatorio de Folgoso do Courel. A convocatoria partiu dun grupo de mulleres da zona, a maioría da Anpa.

Ao redor dunhas 30 persoas desafiaron a intensa choiva para denunciar un novo caso de violencia machista en Galicia e a continuación ler un manifesto. Empezaron a lectura unhas nenas de 8 e 9 anos e seguiron outras mulleres alí presentes.