HomePolíticaAs obras de mellora da estación de autobuses de Monforte comezarán neste...

As obras de mellora da estación de autobuses de Monforte comezarán neste mes

O delegado territorial, José Manuel Balseiro, lamenta a “precipitación e desinformación do alcalde” e ínstalle a preguntar no seu propio concello, que xa concedeu a licenza para estes traballos.

Publicado o

- Advertisement -

A Consellería de Infraestruturas e Mobilidade dará inicio nesta segunda quincena do mes ás obras de mellora da estación de autobuses de Monforte de Lemos. Os traballos e as asistencias técnicas necesarias elevan o investimento nesta actuación a 180.000 euros.

Así o confirmou o delegado territorial da Xunta en Lugo, José Manuel Balseiro, quen lamentou “a precipitación e desinformación do alcalde, que se lanzou a dicir falsidades sobre a estación e preocupou innecesariamente á veciñanza”.

As declaracións sobre o peche da estación “deberon ser unha suposición do alcalde despois dun problema puntual da empresa adxudicataria, que obrigou a cerrar as instalacións os días 4 e 5 de xaneiro”. Foi unha situación extraordinaria e non cabe a máis mínima incerteza sobre a continuidade deste servizo. “Neste caso podía ter preguntado na Xunta, que con gusto lle aclarabamos os detalles e evitabamos perder o seu tempo e o noso cun problema inexistente”.

Con respecto ás marquesiñas, o departamento autonómico lembra que se van instalar en Galicia 180 marquesiñas cun novo deseño, e apunta que ofreceu o mesmo convenio a todos os municipios que as acollerán, segundo o cal a Xunta asume a fabricación e instalación e deixa en mans dos concellos o seu mantemento.

ÚLTIMAS

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...

Presentación literaria e exposición de pintura na Casa da Cultura de Chantada

Yolanda Álvarez é escritora, poetisa e profesora de baile e preséntase principalmente como “nai de...

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...