Miguel Tellado manifestou que “a crise sanitaria non pode ser unha escusa para desmantelar os servizos ferroviarios” por parte do Goberno de Pedro Sánchez, e adiantou que, no marco do proxecto político que representa Alberto Núñez Feijóo, seguirán demandando que Galicia e, dun xeito máis concreto Monforte, non siga perdendo servizos deste tipo.

“O Goberno de Sánchez ten sido negativo para Galicia e as infraestruturas do ferrocarril”. Tal é así que, subliñou, “seguimos sen ningunha certeza de confirmación das datas sobre as obras do AVE”. Tellado lembrou que “levamos meses denunciando o desmantelamento deste servizo, que se traduce na supresión dos trens hotel que conectan a comunidade con Madrid e Barcelona, a venta de billetes en varias estacións desta provincia, avarías e retrasos dos trens… Por iso, dende o PPdeG queremos ser moi claros”, engadiu.  

E é que, apuntou Katy Varela, “a decadencia da zona, pola disminución do tráfico ferroviario e a perda de servizos é cada vez maior. Por ese motivo, reunímonos co persoal ferroviario para que Monforte no perda o tren”, concluíu.