O voceiro da formación nacionalista, Efrén Castro, explicou que  “a idade medida da poboación da comarca sumada á situación sanitaria en que nos atopamos por mor da Covid 19, que afecta especialmente ás persoas de maior idade, fan máis necesario ca nunca un servizo que a comarca leva máis de tres lustros reclamando”

A moción tamén incide na deterioración dos servizos que se presta ás 42.043 persoas do distrito sanitario de Monforte desde que o Sergas suprimiu as áreas sanitarias vinculadas aos hospitais comarcais.

Nese senso, reclámase á Xunta de Galiza “o cese da política de desmantelamento da área sanitaria, a paralización do peche de servizos do Hospital Comarcal de Monforte e o incio dunha senda da recuperación de especialidades dotando o centro hospitalario do persoal necesario”

Coa presentación desta iniciativa, o grupo provincial do BNG apoia a moción presentada o pasado mes de setembro polo BNG de Monforte no pleno municipal, que obtivo o respaldo de todos os grupos.  O BNG tamén presentou no Parlamento galego unha moción con esta demanda.