O BNG de Monforte pide ao concello axudas directas para os sectores golpeados pola crise

O BNG solicita na súa moción que o Concello de Monforte estableza unha mina clara de axuda ao sector hostaleiro e ao pequeno comercio, así como ás empresas do sector turístico que se viron afectadas polos peches e medidas establecidas para a xestión da pandemia.

Monforte 13 de maio 2020/ XdL

O BNG afirma que apostan polo achegamento da administración local á poboación nun momento como actual. Dende o BNG de Monforte coidan que é o momento de establecer axudas directas e clave como son:

  • Condonación dos impostos de titularidade municipal cando os negocios non puideron levar a cabo a súa actividade por imposición legal.
  • Exención parcial para aqueles negocios que viron limitada a súa actividade de maneira parcial. Axencias de Viaxes, Restaurants, bares, servizos de aloxamento, entre outros.
  • Exención de lixo e auga así como da taxa das terrazas no caso da hostalería que dispón deste servizo.
  • Axudas para os gastos imprevistos que tiveron que afrontar diferentes negocios para a adecuación ás novas medidas de hixiene e saúde.

O BNG asegura que busca que o Concello de Monforte de Lemos adopte medidas reais que sirvan para frear os posibles rebrotes e o espallamento do virus. 

DEIXAR UN COMENTARIO

Please enter your comment!
Please enter your name here