HomePolíticaOs socialistas de Taboada denuncian a inacción do goberno do PP

Os socialistas de Taboada denuncian a inacción do goberno do PP

O Voceiro do PSOE de Taboada, Roi Rigueira, critica a inacción, a parálise e a pasividade na que o Goberno do PP ten sumidas ao Concello de Taboada.

Publicado o

POR
Redacción
- Advertisement -

Aseguran desde o PSOE que os plenos do concello son trámites administrativos, pero non hai contido nin proxectos, “polo que estamos diante dun goberno sen rumbo claro e sen un proxecto definido para as veciñas e veciños de Taboada”, sinala Roi Rigueira.

O voceiro socialista remarca que o último pleno estivo protagonizado polas iniciativas e preguntas presentadas polo PSdeG-PSOE, co fin de mellorar a calidade de vida da nosa veciñanza e de fiscalizar a labor do alcalde do PP e o seu equipo”. Nesa liña criticou “a falta de ambición, de traballo e de ilusión por parte do Goberno do PP de Taboada, xa que ten a obrigación de gobernar e de loitar para mellorar as condicións de vida de tódolos veciños e veciñas do noso concello”.

Aprobouse por unanimidade unha moción socialista para a prevención e eliminación dos niños de vespa velutina e a proposta do PSOE para sinalizar prazas de estacionamento para persoas con mobilidade reducida. “Queremos que se cumpra a normativa, e que dende o Concello se facilite o desprazamento ás persoas con mobilidade reducida, por iso demandamos que se habiliten estas prazas en espazos de moito tránsito (como por exemplo o centro médico, farmacias, colexios, Concello ou entidades bancarias).”

E os obradoiros duais e o alumeado público?

Roi Rigueira interesouse no pleno polos problemas co alumeado público en varias aldeas (O Torrón, Cerdeda, Taboada dos Freires) e tamén nalgunhas rúas do casco urbano (Rúa das Insoas.) e sobre a retirada de vehículos abandonados.

Dende o PSdeG-PSOE interesáronse en porque o concello non se adheriu a ningún dos obradoiros duais que a Xunta de Galicia impulsou en máis de 40 concellos da provincia de Lugo, e que darían emprego no noso pobo e a posibilidade de arranxar deficiencias existentes. “Pero unha vez máis tivemos en fronte ao pasotismo do Alcalde, seguimos sen facer nada”.

Interpelaron ao Goberno Local para coñecer como se atopaba a redacción da ordenanza que regule o uso e aproveitamento especial de vías públicas e de espazos de titularidade municipal, cuestión en trámite; e denunciaron os traballos feitos nunha propiedade privada en Sobrecedo por parte de traballadores e maquinaria pública municipal.

ÚLTIMAS

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...

O Club Lemos preséntalle o seu proxecto de futuro ao Alcalde de Monforte

O novo presidente do Club, Antonio López, que foi elixido polos socios o pasado...