HomePolíticaSeguirá inactivo o club náutico de Belesar?

Seguirá inactivo o club náutico de Belesar?

O grupo popular di que é preciso poñer en servizo canto antes estas instalacións para aproveitar o tirón do Xacobeo e axudar así a dinamizar a economía de Chantada.

Publicado o

POR
Redacción
- Advertisement -

O portavoz provincial do PP, Javier Castiñeira,  insta ao goberno provincial “a que canto antes  retome con Fenosa a concesión e poña en valor para todos os lucenses e en especial para os veciños de Chantada  estas instalacións; cremos que a Deputación non pode prescindir de todo este capital e debe facer todo o posible con Fenosa para recuperar a concesión  e sacala de novo a licitación con urxencia para que neste ano Xacobeo estea en funcionamento”.  

Castiñeira explica: “O bipartito provincial deixou caducar (en agosto do pasado ano) a concesión das instalacións náuticas de Belesar en Chantada, que tiña concedidas por Fenosa durante 30 anos. Parécenos unha mostra máis da absoluta desidia do PSOE e do BNG co patrimonio provincial, e máis concretamente coas áreas recreativas provinciais do interior da provincia, como vimos denunciando dende hai moitos meses”.

Tamén di Castiñeira: “Con todo este cúmulo de incongruencias,  no pleno tentamos que se aclarase algo. Vimos a unha delegada de Turismo á defensiva e con poucas ganas de dar explicacións sobre este asunto”. Castiñeira insta ao goberno provincial a xestionar con Fenosa unha nova concesión e a poñer en funcionamento este club náutico, “o que sen dúbida dinamizaría o turismo nunha zona na que se debe aproveitar este recurso, a presa de Belesar con un magnífico entorno natural e moi representativo da Ribeira Sacra, que esperemos que este ano sexa declarada Patrimonio da Humanidade”.

ÚLTIMAS

Sober retoma polo San Martiño as Festas do Carme, suspendidas polo incendio

O Concello de Sober retomará polo San Martiño, patrón das parroquias á que pertence...

Iago Suárez: “A Xunta utiliza a Ribeira Sacra como atrezzo, pero ignora a xente que vive nela”

O deputado do BNG, Iago Suárez, reclamou esta semana na Comisión de Cultura do...

O PP pide á Deputación que arranxe a LU-P-4112 en Pantón

Os deputados populares condenan “o mal estado” desta vía de titularidade provincial “o que...

‘Ok(c)toberfest’ no barrio de Carude, en Monforte

O popular barrio de Carude, en Monforte de Lemos, vivirá este sábado unha xornada...