Segundo o BNG, o vaciado poboacional do Concello de Carballedo non é unha casualide, a perda de servizos foi constante: Primeiro a desaparición de A da Banca e o Centro de Saúde de Castro, coa perda dun médico para o concello e agora a reducción do horario de apertura de A BANCA ao público aos martes e xoves, o cal anuncia o probable peche da sucursal, segundo os nacionalistas.
O BNG quere destacar que debido ao envellecemento poboacional do concello, a brecha dixitalagrava e dificulta as posibles alternativas a este servizo, obrigando aos maiores adepender de terceiros para facer as súas xestións bancarias, perdendo así parte da súa privacidade.
“Se se chega a centralizar o servizo na vila máis cercana, o comercio local verase afectado polos desprazamentos que os veciños fagan a outra vila, lugar onde farán uso dos seus servizos, non mercando nos comercios locais e afondando nun maior deserto demográfico,” apunta o BNG.
Segundo os nacionalistas a propaganda de “VIVE NO RURAL” por parte da Xunta é só propaganda, “pois a realidade é ben distinta, dándolle prioridade e cartos ás grandes entidades mentres a xente do rural, sobre todo os nosos maiores van ver mermados os seus ingresos, pois precisarán de desprazamentos que eles terán que pagar. Asi mesmo, as colas que están a soportar ao sol agora e ao frío e choiva no futuro tamén van a mermar a súa súde.”
Dende o BNG esixen que a Xunta poña mans no asunto e que as negociacións ou subvencións sexan para asentar a entidade onde se atopa e non para destruila.
