HomePolíticaO PP pídelle ao Ministerio de Infraestruturas que non entorpeza o acceso...

O PP pídelle ao Ministerio de Infraestruturas que non entorpeza o acceso do Porto Seco coa N-120

A voceira do Grupo Municipal Popular, Katy Varela e a deputada autonómica Raquel Arias visitaron este mércores pola mañá a plataforma loxística convencidas de que, se logra o impulso necesario, poderá xogar un papel esencial na recuperación económica e empresarial da cidade do Cabe, atraendo novas empresas e máis oportunidades laborais.

Publicado o

POR
Redacción
- Advertisement -

Os populares defenderán unha emenda presentada na Comisión de Obras Públicas do Parlamento de Galicia na que se demanda que o Goberno de España deixe de limitar a construción da vía que permitiría conectar o porto seco coa estrada nacional. Insisten en denunciar que ata tres informes negativos da administración central obstaculizan a execución deste novo viario, a pesar de que a Xunta ten consignación orzamentaria para impulsar o proxecto.

Para os populares resulta esencial que o Goberno central non entorpeza os esforzos que o Goberno galego está a facer por dotar a Monforte de máis solo industrial despois de levar investidos máis de 20 millóns de euros no Porto Seco de Monforte, na adquisición de terreos e nos traballos técnicos e de urbanización deste espazo.

Pero esta área industrial conta cun hándicap que impide o seu desenvolvemento, a necesidade dunha conexión directa coas principais vías de comunicación da zona, como a N-120. Os populares aseguran, que superado este bloqueo, o Goberno galego ten reservada unha primeira partida económica de 750.000 euros para seguir mellorando o porto seco.

ÚLTIMAS

Comeza unha nova tempada do Programa Integrado de Emprego de Chantada

O Programa Integrado de Emprego do Concello de Chantada (PIE) inicia a súa actividade...

A Pobra do Brollón celebra o Día da Biblioteca con actividades o 23 e 24 de outubro

Andrea Nunes Brións, nada en 1984 en Marín, é activista, escritora e profesora de...

“Perdida no labirinto” de Violeta Bernardo amplía o proxecto de Soterradas en Tor

O vicepresidente da Deputación de Lugo, Efrén Castro, acompañado da xerente da Rede Museística...

Quiroga celebra este 25 de outubro o QuiMedo con 8 casas do terror

A cita do terror pechou o prazo de inscricións unha vez se acadaron os 1.200...