A plataforma ferroviaria e Candia mantiveron unha reunión de traballo, unha vez coñecido o desenvolvemento do AVE Madrid-Ourense. Ambas as partes sinalan que a chegada no novo servizo á cidade das Burgas «é unha boa nova», pero considérana «insuficiente» para Lugo, xa que a provincia queda só cunha frecuencia directa sen transbordo en Ourense.

«Isto déixanos moi afastados», afirman. Por iso, engaden, «pedimos unha vez máis ao Goberno que retome a construción das variantes, xa que a chegada da alta velocidade a Lugo pasa indiscutiblemente pola súa posta en marcha ».  

A presidenta provincial convida ao resto de forza políticas, é dicir, ao PSOE e ao BNG a sumarse ás reivindicacións do PP, pois “a parte de non pedir nada novo, están dirixidas a reclamar o que demandamos todos os lucenses; non facelo sería desentenderse das súas obrigas como partidos políticos”.