Segundo os socialistas, a contestación do Alcalde á proposta socialista naquel pleno, “foi sinalar que a veciñanza xa sabía onde tiña que deixar os residuos, e que todo o mundo estaba informado.” Mentres o Grupo Socialista asegura que insistiu na necesidade de adquirir este equipamento, “sobre todo para facilitar á veciñanza de Bóveda a recollida de todo tipo de enseres, e tamén para evitar a proliferación de pequenos vertedoiros na vila.”
O concello de Bóveda comezou a dispor deste servizo neste mes de xaneiro e pasados 6 meses desde a proposta socialista, Carmen Macía insiste, “Agora comprobamos que o Alcalde tardou seis meses, fíxonos caso e recuou, e puxo en marcha este servizo que nos parece esencial para a veciñanza. Dende o PSdeG parécenos fundamental impulsar iniciativas que contribúen a mellorar a nosa reciclaxe e tamén para mellorar o noso medio ambiente, aínda que ás veces cheguen tarde”.
