HomePolíticaMoción do PSOE de Chantada sobre os recortes educativos no IES Val...

Moción do PSOE de Chantada sobre os recortes educativos no IES Val do Asma

Lembran os socialistas que as alarmas saltaron cando o equipo directivo mantivo unha xuntanza informal con representantes da Xunta de Galicia e foron informados da fusión das ensinanzas da ESO e Bacharelato no IES Lama das Quendas.

Publicado o

POR
Redacción
- Advertisement -

Esta fusión afectaría a 128 alumnos que se verían forzados a desprazarse a outro centro, posiblemente xa no vindeiro curso. “Consideramos este feito un atropelo sen parangón á veciñanza de Chantada e Carballedo. O Partido Popular actúa con nocturnidade e alevosía contra o noso concello e, polo tanto, contra a mocidade que vive no rural galego, a pesares de fachendear co slogan ruralízate”, sinalan os socialistas.

A comunidade educativa segue sen ter ningunha certeza e moitas incógnitas sobre o futuro dun centro que proporciona ademais ensino en ciclos formativos “e que, paulatinamente, recibe negativas por parte da Xunta de Educación para ampliar a súa oferta. Ó xa extinguido Ciclo de Turismo, engádese a negativa a ofertar en Modalidade Ordinaria o Ciclo Superior de Márketing e Publicidade ou o Ciclo Medio de Xestión Administrativa, ambos solicitados polo centro. Que é o que pretenden facer en realidade? Ao peche de ESO e Bacharelato engaden a desaparición da Formación Profesional, ignorando as necesidades de emprego , formación e as estructuras socioeconómicas de Chantada e da súa comarca.”

O PSdeG xa levou esta preocupación ó Parlamento Galego e aseguran que recibiron a calada por resposta. Agora na moción municipal solicitan:

  • Manifestar o rexeitamento á fusión da ESO e Bacharelatono IES Lama das Quendas
  • Esixir á Consellería de Educación un proceso de diálogo permanente cos equipos directivos destes centros e cos representantes de pais e nais, no cal se informe con transparencia dos plans da Xunta e se analicen os pros e contras tendo en conta a opinión manifestada pola comunidade educativa.
  • Demandar a ampliación e oferta en Formación Profesional do IES Val do Asma que debe contemplar a demanda e necesidade estructural, social e económica da nosa comarca. Algúns dos ciclos considerados imprescindibles deberían incluír a formación sociosanitaria, a integración social e a viticultura e gandaría.

ÚLTIMAS

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...

O Club Lemos preséntalle o seu proxecto de futuro ao Alcalde de Monforte

O novo presidente do Club, Antonio López, que foi elixido polos socios o pasado...