Despois de producírense novas roturas de tubaxes deixando aos veciños de Monforte sen auga e “cos verquidos ao río Cabe no centro da cidade sen solucionarse”, Katy Varela califica de intolerable que o concello teña 7 millóns de aforro ademais dos orzamentos e non se resolvan “estos graves problemas que perxudican aos monfortinos.”
Varela lembra que “para iniciar as obras da zona C si que estivo rápido, tanto que ata as fixo sen o plan de urbanización aprobado de maneira definitiva”. Pola contra, lamenta que “para que os veciños de Monforte non sigan con máis cortes de agua, a acción brilla pola súa ausencia”.
A popular explica que “en xullo do 2019, nada máis comezar o último mandato, o Grupo Municipal Popular levou a pleno unha iniciativa para instar ao alcalde a solicitar ao Goberno central fondos Feder que quedaran sen executar para solucionar este problema en Monforte”. Nese mesmo sentido, a conselleira de Infraestruturas, Ethel Vázquez, puxo sobre a mesa do Goberno de Pedro Sánchez un macro proxecto de 10 millóns de euros no que se deberían implicar todas as administracións. Pero nin en Madrid nin en Monforte obtivemos resposta”.
“Parece que a Tomé non lle gusta que a Xunta invista en Monforte, pero o peor é que os veciños continúan co mesmo problema porque non hai indicios de darlle solución”, conclúe Varela.
