Intervirá o analista internacional, Duarte Correa. Desde a organización do evento indican que esperan unha “boa presenza de xente dado o interese da temática” ademais da “necesidade de coñecer de man de expertos como Duarte Correa o que realmente está a acontecer en Ucraína”. Analizaranse tamén as consecuencias que a guerra está a ter e seguirá tendo para a Galicia.
A respecto de Duarte Correa, é analista internacional, diplomado en maxisterio e licenciado en Xeografía e Historia pola USC. Actualmente traballa domo profesor no ensino secundario. É un dos maiores coñecedores do contexto internacional actual e ten participado como representante do nacionalismo galego en diversos congresos, encontros e seminarios internacionais en países de Europa e América Latina.
