HomePolíticaOs populares demandan máis seguridade e melloras en dúas estradas provinciais de...

Os populares demandan máis seguridade e melloras en dúas estradas provinciais de Samos

O portavoz popular na Deputación, Javier Castiñeira, recorreu as estradas provinciais do concello de Samos, a petición do portavoz do portavoz municipal do PP e deputado provincial, José Fernández, "e temos que denunciar moitas deficiencias, tanto na sinalización, como pola falta de elementos de seguridade e o mal estado do pavimento nalgúns tramos”.

Publicado o

POR
Redacción
- Advertisement -

Desde o PP aseguran que son moitas as estradas da rede da Deputación Provincial que están en mal estado e teñen unha sinalización escasa e deficiente.

Castiñeira explica: “En Aira Padrón, nun cruce importante de estradas provinciais neste concello, a sinalización está totalmente borrada, ou emborronada, de tal maneira que é imposible saber que é o que indica. Leva tempo así e os veciños demandan que se corrixa o antes posible. Este mesmo problema dáse en numerosos puntos da rede de estradas provinciais no concello de Samos”.

A falta de medidas de seguridade para evitar saídas de vía en puntos especialmente perigosos é unha carencia xeralizada na rede de estradas provinciais. O portavoz popular explica: “No caso da LU-P 5603, que vai de Samos ao Courel, os veciños piden a instalación de garda-raíis, biondas, nos bordes da estrada, alí onde hai grandes desniveis, especialmente onde é frecuente que en inverno haxa xeo”. Os veciños tamén piden que se remate a pavimentación en aglomerado en quente, como xa ten unha parte desta vía

Con respecto á LU-P 5601, os veciños de Samos demandan que, entre Chelo e a Cruz de San Xoán, esta estrada sexa pavimentada con aglomerado en quente. O actual pavimento está en mal estado, pese a que recentemente se taparon algunhas fochancas. Castiñeira anuncia que no próximo pleno os populares solicitarán que a Deputación repare as deficiencias indicadas nas citadas vías.

ÚLTIMAS

En xullo comezan a funcionar en Trascastro apartamentos turísticos rurais

O Concello do Incio contará o vindeiro mes de xullo cun novo proxecto turístico...

Foliada Guímara este venres en Fornelas

As Foliadas Guímaras son unha iniciativa do Concello da Pobra do Brollón co obxectivo...

Oferta pública de ciclos para o novo curso no IES A Pinguela

O IES A Pinguela informa estas semanas da oferta de ciclos para o vindeiro...

Ciberseguridade e delitos informáticos, temas centrais das Xornadas Xurídicas de Sarria

Este mércores 12 de xuño celebrábase a inauguración das XVII Xornadas Xurídicas Román García...