Esperta Monforte solicita que este servizo de atención ao peregrino pase a chamarse, Oficina Aida Menéndez Lorenzo de atención ao peregrino. Na exposición de motivos Esperta Monforte recolle, “Despois da triste nova do pasamento o 13 de xullo de Aida Menéndez e tendo claro o incalculable legado que nos deixa despois da incansable dedicación no nacemento e posterior divulgación do Camiño de Inverno a Santiago pola Ribeira Sacra e a incansable loita pola ruta, gustaríanos poder adicarlle esta pequena mención en recoñecemento ao seu desinteresado traballo a prol dunha ruta que máis pronto que tarde acabará levando o seu nome”.

Consideran desde Esperta Monforte que este recoñecemento a título póstumo debe de ser dos primeiros de moitos dos que reciba pola súa tenacidade, dedicación e traballo por esta ruta.

Tamén o 3 de setembro o novo albergue de peregrinos que a Xunta acondicionou en Diomondi comezará a levar o nome de Aida Menéndez Lorenzo.