InicioPolíticaSarria quere subirse ao carro da mobilidade

Sarria quere subirse ao carro da mobilidade

O goberno local solicita información e opinión aos veciños para tentar elaborar un Plan de Mobilidade e Espazo Público na vila.

Publicado o

- Advertisement -

É o concello de Sarria un lugar accesible para as persoas con mobilidade reducida? Para comprobalo, a alcaldesa Pilar López quere saber directamente a opinión dos seus veciños. Por iso, fixo público un enlace en redes sociais e na propia páxina web do Concello, co que chama á xente a colaborar para tentar elaborar un Plan de Mobilidade e Espazo Público na vila.

A enquisa, destinada tanto a veciños de Sarria como de comarcas limítrofes, ten como obxectivo coñecer a situación real da xente que sufre e/ou ten no seu entorno a persoas con mobilidade reducida. Obtendo esta información enténdese que o goberno local poderá realizar no concello as melloras de accesibilidade pertinentes.

A primeira información que se solicita na enquisa está relacionada co sexo, a idade, o lugar de residencia e coa mobilidade reducida temporal ou permanente do informante ou dalguén do seu entorno. A continuación pregúntase polo destino, frecuencia dos desprazamentos, medio de locomoción e lugar onde se adoita aparcar no centro urbano. Para rematar a enquisa pídese un pronunciamento sobre que melloras se consideran importantes para o espazo público de Sarria.

O obxectivo é coñecer mellor as dificultades da xente con mobilidade reducida para dar unha solución o máis adaptada posible ás necesidades reais.

 

 

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...