HomePolíticaInquedanza veciñal polas cámaras de vixilancia no centro de Monforte, aseguran desde...

Inquedanza veciñal polas cámaras de vixilancia no centro de Monforte, aseguran desde o PP

A instalación de cámaras para o control de acceso a zonas de Monforte con restrición de circulación rodada xera dúbidas e queixas cidadáns, segundo aseguran os concelleiros do Partido Popular.

Publicado o

POR
Redacción
- Advertisement -

Os populares, que esperan que o Concello dispoña de todos os permisos necesarios para o uso deste sistema de vixilancia, constatan que entre os cidadáns hai opinións moi críticas con este modelo. No PP din que, tanto ou máis que no ámbito no que se instalaron, as cámaras son necesarias noutros puntos nos que con frecuencia se producen actos de vandalismo

A portavoz do PP, Katy Varela, considera que o alcalde, o socialista José Tomé, gasta cartos na videovixilancia do centro “cando dende o noso punto de vista, este investimento sería máis produtivo en zonas menos transitadas, como o paseo que vai a Piñeira, ou o paseo do Malecón, onde se producen actos de vandalismo que danan valos, papeleiras, farois, etcétera”. Os actos de gamberrismo esixen, di Varela, “investimentos para reparar todo o deteriorado; se estas zonas contaran con videovixilancia, evitaríase seguramente este gasto na reparación do esnaquizado”.

Os populares sinalan que “no ámbito no que se instalaron as cámaras no debería haber maior problema nin necesidade deste sistema se a Policía Local presta a este ámbito urbano a atención que merece.”

ÚLTIMAS

O 12 de abril comeza un programa piloto para visitar as igrexas da Ribeira Sacra

A Ribeira Sacra coa maior concentración de arte románico rural de Europa é un...

A D.O. Ribeira Sacra no Salón Gourmets de Madrid do 7 ao 10 de abril

O Salón Gourmets, na súa 38ª edición, consolídase como o evento europeo de referencia...

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...