Os sindicatos expuxeron as motivacións que os levaron a votar en contra da proposta de RPT, a ausencia total de vontade negociaciadora, incumprimento do proceso negociador proposto e publicado polo propio Concello, nula atención ás achegas sindicais e como resultado, unha RPT que creará moitos máis problemas dos que vai a resolver.

Ante a negativa do Concello a atender debidamente a principal proposta sindical, a celebración dun verdadeiro proceso negociador, as forzas políticas do BNG, Esperta Monforte e PP comprometéronse a forzar na medida do posible, que se retome o proceso atendendo ás propostas das e dos representantes legais dos traballadores.

Dende as organizacións sindicais agradecen a vontade de escoita mostrada polos representantes da oposición e instan a que o grupo de goberno do Concello asuma, que a pesares de ter a maioría no pleno, a RPT do Concello de Monforte se traslada a este órgano de goberno co voto en contra dunha amplísima maioría da representación sindical. En dita RPT, os sindicatos aseguran que o concello parece ter un problema á hora de establecer un cálculo matemático “onde se esquecen de que o 10% dos traballadores terán unha perda de poder adquisitivo no futuro, pola conxelación salarial derivada do Compemento Persoal Transitorio.”

As organizacións sindicais instan de novo ao Concello a que paralice o proceso de aprobación da RPT, para procurar a elaboración dun documento consensuado que evite unha cascada de recursos xudiciais. Polo que unha vez máis lle demandamos que se senten a Negociar e atendan ás demandas sindicais.