InicioPolítica"Por razóns electoralistas é máis doado botar a culpa á Xunta para...

“Por razóns electoralistas é máis doado botar a culpa á Xunta para desculpar os seus erros ante a veciñanza”, dille Arias a Garrido

O delegado territorial da Xunta en Lugo contestou ao alcalde de Sarria que "Os proxectos para tres obras de abastecementos de augas foron remitidos á Xunta de Galicia por parte deste Concello con moitos erros, polo que desde a Axencia Galega de Infraestruturas tiveron que solicitar a corrección dos mesmos".

Publicado o

POR
Redacción
- Advertisement -

Javier Arias matiza que os técnicos pediron nova documentación necesaria para aprobar os proxectos, como o informe de viabilidade con carácter vinculante da Xunta de Galicia, como titular de parte do dominio público viario nestas actuacións. O delegado territorial sinala ao respecto que “a solicitude deste informe de viabilidade, por parte do Concello á AXI, debe ser previo á presentación do proxecto. Se o Concello tivérao pedido en tempo e forma, xa entón se lle explicarían as liñas a seguir, polo que os proxectos xa estarían autorizados”. Javier Arias lembra que “segundo a Lei de Estradas estamos no prazo legal para contestar, xa que a lei marca seis meses para autorizar”.

“Por razóns electoralistas como di o alcalde, é máis doado botar a culpa á Xunta de Galicia para desculpar os seus erros ante a veciñanza de Sarria; uns erros que van desde non solicitar o citado informe previo de viabilidade a cuestións tan básicas como non definir exactamente o trazado das canalizacións destas obras e a reposición posterior da estrada”, conclúe Arias.

ÚLTIMAS

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...

70.000€ para a drenaxe da vía LU-P-5702 ao seu paso polo Rego de Monelo, en Sarria

As obras executaranse á altura do Rego de Monelo, en San Vicente de Froián,...