Segundo Courel Vivo o peche da Estrada Lu-651 no treito que se están a arranxar, entre Seoane e a Ferrería, vai afectar negativamente á zona, “comezando por a veciñanza en xeral, empresas con furgóns e camións que se ven obrigados a rodear 1 hora e 26 minutos. Xa que furgóns, camións, autobuses e Ambulancias non caben polos desvíos que propoñen Xunta e o Concello.”
Courel Vivo pide que cando se asinen contratos así se esixa o cumprimento das condicións técnicas e de seguridade porque aseguran que este proxecto non contempla o peche para facer desmontes, “Só contempla cortes puntuais con sinalistas de obra, polo que solicitamos que se fagan tódolos traballos posibles sen pechar a estrada e pechar so en días puntuais.” Demandan tamén que se esixa o cumprimento dos requirimentos técnicos “en canto a espesor de Aglomerado de 5cm de espesor, 6 metros de estrada + 50 de beiravía en cada lado e cunetas de seguridade transitables de 90 cm que mellore a seguridade vial e drenaxes da mesma.”
CV considera que coa presentación deste escrito de reclamación avisan da perigosidade de manter pechada a estrada 2 meses, asi como da perigosidade dos dous desvíos alternativos.
