InicioPolíticaApróbase a instalación dun caixeiro automático en Ribas de Sil

Apróbase a instalación dun caixeiro automático en Ribas de Sil

A Xunta informou ao Concello sobre a adhesión ao acordo coa Fegamp para a instalación destes dispositivos en municipios sen servizos bancarios ao coñecer que se pechaba o único caixeiro de San Clodio.

Publicado o

POR
Redacción
- Advertisement -

O PP de Ribas de Sil agradece “a boa disposición da Xunta para atender as necesidades do municipio e dos veciños e veciñas”. Así o manifesta o candidato popular á alcaldía, Jose Rodríguez, en relación á instalación dun caixeiro automático.

A través deste servizo os usuarios poden efectuar xestións ordinarias como a retirada e ingreso de cartos en metálico, a actualización das libretas bancarias ou o pagamento de recibos sen ter que desprazarse a outras localidades.

O popular explica que “tralo peche do caixeiro que tiña unha entidade bancaria en San Clodio, desde a Xunta dirixíronse ao Concello por carta para informar da posibilidade de solicitar a adhesión ao acordo entre a Xunta e a Fegamp para proceder á instalación de caixeiros automáticos.”

Rodríguez sinala que “o goberno local non pode agardar a perder os servizos para actuar, hai que facer as xestións que sexan preciso para evitar os prexuízos aos veciños e veciñas”. O candidato á alcaldía polo PP considera positivo o acordo entre a Xunta e a Fegamp para evitar a exclusión financeira dos veciños e veciñas dos municipios máis pequenos porque “a perda de servizos bancarios afecta tanto ao día a día dos veciños e veciñas coma ao volume de negocio dos comercios e doutros pequenos establecementos”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...