Os tres alcaldables máis novos do Partido Popular na provincia de Lugo Nicole Grueira (Pol, 2011); José Rodríguez (Ribas de Sil, 1999) e Miguel Gallego (Samos, 1998) participaron este sábado no acto que o PPdeG celebrou na Cidade da Cultura, para presentar aos candidatos máis novos, de entre os 22 e os 30 anos, ás eleccións municipais nas catro provincias galegas.
O acto estivo presidido polo presidente dos populares galegos, Alfonso Rueda, e contou coa participación tamén da secretaria xeral do PPdeG, Paula Prado; así como do presidente de Novas Xeracións de Galicia, Adrián Pardo.
Os candidatos da provincia de Lugo participaron nas tres mesas redondas que estiveron moderadas pola coordinadora xeral de Novas Xeracións de Galicia, Eugenia Vizcaíno, que tamén é desta provincia.
