O alcalde de Sarria, Claudio Garrido, remitiu este xoves á xefatura territorial da Consellería de Cultura, Educación, Formación Profesional e Universidades de Lugo o certificado do acordo plenario adoptado, a raíz dunha moción do Grupo Municipal do Partido Popular, referente á situación das vivendas escolares do CEIP Frei Luis de Granada.

Claudio Garrido lémbralle á consellería que os inmobles, de titularidade municipal, están afectados para o uso público de vivendas escolares do CEIP Frei Luis de Granada. Por iso, “como titular de dito uso”, requírelle que adopte “con carácter urxente” as medidas precisas para garantir a seguridade do inmoble e “as que sexan necesarias para impedir o acceso de persoas alleas ao interior do recinto e das vivendas”