A lista está formada por persoas con perfís con experiencia en áreas ás que Teddy López quere dar importancia, polas condicións do municipio, a prevención de incendios e o traballo no campo social. Asegura, “unha candidatura pensada para gobernar dende o primeiro momento, se os veciños deste concello depositan en nós a súa confianza”.
O aspirante popular á alcaldía destaca, con carácter xeral, que os integrantes da lista que encabeza teñen experiencia nos seus respectivos campos profesionais. A este respecto, sinala: “Iso é algo moi importante para poder empezar a xestionar dende o primeiro días os intereses dos veciños da Pobra do Brollón, un concello no que hai moito traballo por facer para mellorar os servizos que reciben os veciños, e mellorar a súa calidade de vida”.
Na candidatura figura, no posto número 6, Isabel Castaño, que xa foi concelleira nunha ocasión anterior. O resto da candidatura aparecen: Teddy López Pedredo, Empresario cunicultor; Roberto José Andrade Míguez.,Técnico de farmacia; David López Frean, Capataz forestal; Pablo López Morales, Estudante; María del Pilar Pérez Ayán, Auxiliar de clínica; Isabel Castaño Macía. Enfermeira (Sergas); Diego Sanmartín Menéndez, Técnico podólogo; Lorena Morales Besteiro, Funcionaria (Xunta de Galicia); José Manuel Costoya Fernández; Empresario autónomo.
