Na moción que presenta ao vindeiro pleno Esperta Monforte pide que se reorganice o tráfico rodado na zona de San Antonio, Ramberde e a súa contorna e se paralice de forma inmediata o tráfico rodado pola ponte vella, pasando a ser peonil.

Piden que se manteña a actual pasarela coas melloras que precise e se pare a pretensión de construir unha nova ponte neste lugar. Consideran que a nova ponte provocaría un dano ambiental, urbanístico e paisaxístico nunha zona contemplanada de respecto do casco histórico. Apuntan que “se rompería a continuidade do paseo do malecón” e califican de despilfarro de diñeiro público a súa construción, “existindo outras moitas necesidades.”

Demandan tamén que se fagan as xestións oportunas coas administracións implicadas para continuar a actual estrada de circunlación ata a N-120 “aproveitando a ponte que enlazaría por debaixo das instalacións da escola taller coa estrada de Sober e que serviría como enlace da parte sur da cidade.”