HomePolíticaEsperta Monforte reivindica "Salvar o Malecón"

Esperta Monforte reivindica “Salvar o Malecón”

O grupo municipal EspertaMonforte! realizou este mércores, 17 de maio, un acto simbólico na actual pasarela de madeira do Malecón coa intención de reivindicar "a importancia de salvar o noso malecón ante a ameaza por parte do actual alcalde dunha ponte de ferro na ubicación da actual pasarela de madeira, o que consideramos un atentado urbanístico, ambiental e paisaxístico e que estragará de forma irremediable un dos lugares máis fermosos e emblemáticos da nosa vila."

Publicado o

POR
Redacción
- Advertisement -

Esperta Monforte segue defendendo a peonalización da ponte vella e a non construción da ponte de ferro en substitución da pasarela peonil do malecón. A formación política celebrará tamén o próximo día 21 de maio un acto simbólico na Ponte Vella “en reivindicación da necesaria peonalización desta ponte, feito que xa se podería ter artellado reaxustando a circulación do tráfico e sen ter que construir unha nova ponte. Esta alternativa da ponte de ferro non fará máis que colapsar de coches a xa escasa zona de aparcadoiro do ambulatorio e non servirá en absoluto para desconxestionar o tráfico do centro da cidade como así nos queren facer crer dende o actual goberno municipal,” aseguran desde Esperta Monforte.

Anuncian tamén que membros de Espertamonforte apoiarán e participarán o próximo día 20 de maio nun acto de recollida de lixo no río Cabe organizado pola plataforma Salvemos o Malecón, “Convidamos a toda a veciñanza de Monforte a participar neste acto para demostrar que non son figurantes quen está en contra desta nova ponte, senón que somos os veciños e veciñas de Monforte os que nos opoñemos a esta desfeita.”

A plataforma cidadá Salvemos o Malecón fai tamén unha chamada ás forzas políticas de Monforte para acordar un plan de cidade común no acto que organizan para o vindeiro 23 de maio na Fraternal ás 20.00h. Convídase á cidadanía e a PSOE, PP, BNG e Esperta Monforte. No encontro abordarase “o modelo de cidade san e de futuro que urxe acordar, deseñar e implementar para Monforte”.

Esperta Monforte “Salvar o Malecón” / Esperta Monforte

ÚLTIMAS

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...

Presentación literaria e exposición de pintura na Casa da Cultura de Chantada

Yolanda Álvarez é escritora, poetisa e profesora de baile e preséntase principalmente como “nai de...

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...