O candidato socialista, Celestino Rodríguez, asegura que “foron varios os veciños que nos dixeron que un dos concelleiros do PP estivo nesa xornada levando xente da residencia tutelada á oficina postal. Iso non pode ser”. Sinala que “É normal que as persoas que viven alí necesiten axuda para achegarse a Correos, pero para iso está o persoal da empresa que xestiona esa dotación social, porque é o seu traballo. O que non é normal e que un concelleiro que ten dedicación exclusiva, cun salario pagado por todos e todas, ande facendo esas cousas para conseguir votos sectarios para o PP”, sinala o socialista.

As vivendas tuteladas están situadas en Escairón, capital do concello do Saviñao, e contan cunha vintena de prazas. Os socialistas insisten en que “este tipo de prácticas son habituais no PP.”