Garrido lembrou que ata a data celebráronse dúas comisións informativas nas que se lles ofreceu aos grupos da oposición toda a información dispoñible, chegando a cifrar en 165.679 euros a cantidade pendente de ingreso nas arcas municipais nos últimos catros e cuxo prazo de cobro todavía non prescribiu, polo que “o concello seguirá o procedemento que recomenden os servizos técnicos para tratar de cobrar esas cantidades non ingresadas”.

O rexedor local apuntou que, segundo a ordenanza do matadoiro, “o lóxico é proceder ao cobro das taxas pendentes aos usuarios do matadoiro ou suxeitos pasivos e, no caso de que acrediten que xa as aboaron no seu día, será o momento de dirimir outras responsabilidades e localizar o desvío deses fondos.”

“Unha administración ten que actuar ante certezas, non ante crenzas, e nestes momentos o goberno de Sarria non dispón de certezas suficientes para apuntar nin culpar a ninguén saltándose a presunción de inocencia. O concello de Sarria vai seguir actuando con rigor e firmeza”, conlúe o alcalde.