“Monforte precisa dun alcalde rigoroso, serio, que traballe e deixe de lado as mentiras”, asegura a voceira popular tras ver varias publicacións do alcalde nos medios de comunicación sober os investimentos no concello que “aínda non se sabe se chegarán a Monforte e moito menos se poderán executarse”.

Segundo os populares, o alcalde inclúe obras que aínda non se levaron a cabo nin se sabe cando se van a realizar, como poden ser a supresión dos pasos a nivel, a construción da nova ponte, a praia fluvial, a conexión entre a N120 e a N120A, o centro de ciber seguridade…  “Da metade dos cartos dos que presume aínda non se sabe nada, son investimentos que están no aire”, explicou.

Ante esta situación, dende o PP de Monforte esixen a Tomé “maior rigor cando fala de investimentos, como o convenio coa Confederación Hidrográfica, que tiña que esta rematado este ano, e que se prorrogou. O único que fai é propaganda e anuncios, nada máis”, denunciaron.

Katy Varela tamén quere recordar a José Tomé que a web oficial do Concello de Monforte “non está para facer publicidade do PSOE nin dos cargos socialistas”, en relación a unha publicación na que Tomé afirmaba que a intervención do candidato do PSOE á Xunta de Galicia foi necesaria para restaurar o mural da estación de tren de Monforte. Os populares lembran que a restauración fíxose pola insistencia de diferentes asociacións culturais, como Apatrigal.