Segundo estas agrupacións locais é preocupante a falta de profesionais na área da saúde mental tanto no Hospital de Monforte como no HULA, “Un servizo sanitario esencial para a poboación, especialmente para os menores, e que viu disparado o número de pacientes dende a pandemia”.

Denuncian que a día de hoxe, no hospital de Monforte hai un único psiquiatra para atender todos os casos, “un recurso moi escaso para unha poboación de case 40.000 persoas. Ademais, no HULA só un profesional de psiquiatría infantil está traballando porque a persoa que ocupa a outra praza está de baixa e non é substituída”. Situación que califican de preocupante, xa que no HULA préstase atención os casos máis graves de toda a área Lugo – Burela – Monforte.

“Por iso, e independentemente dos resultados do vindeiro domingo, consideramos imprescindible que se aumente o número de profesionais de saúde mental en toda a área sanitaria e que se garanta a cobertura cando algún deles estea de baixa laboral”, conclúen.